.........................................................................
好多公司都会对旗下艺人落“禁恋令”。
.........................................................................
作为老板嘅Maggie就话唔会咁做~Maggie认为你全程投入去工作~自然就唔会有心去拍拖~
.........................................................................
.........................................................................
Karen（左）自爆未拍过拖。依家得十八岁好年轻，Karen都觉得拍拖未系时候。
勇于跳出ComfortZone接受跳战嘅张可颐（Maggie），近日多咗个“老板”身份，打头阵签咗啱啱过18岁嘅华裔女歌手陈涵林（Karen），问到Karen对Maggie嘅第一个印象？佢即化成身小Fans，用英文话见面嗰刻好紧张又兴奋，因为之前都有睇过Maggie啲作品，又指会视Maggie为学习对象，不过当前最紧要嘅系要学好广东话。
.........................................................................
问到Maggie会唔会对Karen设规矩，例如落“禁恋令”？佢大笑话唔会︰“但我觉得一系唔好做，一做就拎全心做，唔好半桶水，做边行都系要拎个热情，无论出嚟成绩系点，畀观众睇到有心做就足够。”
.........................................................................
Karen就坦言都未拍过拖，但都会想有恋爱经验，只不过18岁佢都觉太早，Maggie接话︰“唔早！但男朋友都要讲机缘，要嚟都可以尝试，仲可以话定畀你听，通常第一次未必成功，哈哈﹗”之后佢仲话喺Karen身上见到有自己嘅“影子”︰“谂番起我唱歌嗰阵都系21、22岁，拍电影就19岁，好记得系带埋妈妈上去签约，当时仲以为自己识好多嘢，依家睇番就当然唔系啦，所以呢个谂法都几得意﹗”
.........................................................................
提到Maggie之后会同Karen推出合唱歌，问到Maggie之后可会出独唱歌？佢就大方话唔抗拒︰“好似演员咁，你都希望遇到好嘅剧本，正如歌手一样，有好歌都会想唱，所以有机会都可以去试，但又唔会刻意，顺期自然。”
预览时标签不可点收录于话题#个上一篇下一篇
联系电话：